Íslenzkt sveitaballarokk

Tónlistarfélag Menntaskólans á Egilsstöðum hélt tónleika með yfirskriftinni Íslenzkt sveitaballarokk miðvikudagskvöldið 11. nóvember í sal gamla Alþýðuskólans á Eiðum. Flutt var tónlist eftir Stuðmenn, Bubba Morthens, Trúbrot, Todmobile, Sálina og fleiri. Það var frábær mæting á tónleikana og mikil stemmning í salnum. Nemendurnir spiluðu og sungu af mikilli snilld og greinilegt að þau höfðu lagt gríðarlega vinnu í undirbúninginn. Við erum stolt af því að í nemendahópnum sem þarna kom fram voru margir nemendur skólans, bæði núverandi og fyrrverandi, og er frábært að sjá þau blómstra á sviði í svona verkefni. Við óskum TME innilega til hamingju með glæsilegan viðburð!