Joanna Natalia

Joanna Natalia Szczelina, framhaldsnemandi í píanóleik við Tónlistarskólann, hefur alls ekki setið auðum höndum undanfarið. Hún hefur verið á fullu að undirbúa framhaldsprófið sitt, sem fram fer í maí. Það að auki hefur hún komið fram tvisvar nýverið og leikið fyrsta kafla í Píanókonsert nr. 11. eftir Joseph Haydn, annarsvegar á Konserttónleikum Nótunnar í Garðabæ þann 30. mars og hins vegar sem einleikari með Sinfóníuhljómsveit Austurlands þann 6. Apríl, þar sem hún heillaði alla upp úr skónum með leik sínum. Joanna mun halda framhaldsprófstónleika um miðjan maí sem við hvetjum alla til að mæta á, en þeir verða auglýstir bráðlega.