Jólaball Egilsstaðaskóla

Haustönnin hjá Tónlistarskólanum endaði á því að Kennarabandið spilaði á jólaballi Egilsstaðaskóla. Er orðin hefð fyrir því að kennarar Tónlistarskólans leiki fyrir dansi á þessum síðasta skóladegi og er það alltaf mikil gleði. Leikin voru eldri jólalög á borð við Bráðum koma blessuð jólin í bland við nýrri og var frábær stemning í salnum. Einhver lög voru líka tileinkuð jólasveinunum sem komu í heimsókn og það var sérstakur heiður fyrir okkur þegar einn þeirra kom og spilaði á trommusettið. Hver vissi að jólasveinar kynnu á trommur? Svo var sérstaklega gaman að sjá hvað nemendur Egilsstaðaskóla tóku hraustlega undir í söngnum!