Jólaball hjá yngsta stigi

Ballhljómsveitin ásamt Giljagaur

Það var líf og fjör hjá yngsta stigi Egilsstaðaskóla fimmtudaginn 17. desember. Þá var haldið jólaball með nokkuð óvenjulegu sniði, en gæta þarf að fjöldatakmörkunum í skólastarfi um þessar mundir. Í stað þess að halda stórt jólaball í hátíðarsalnum voru haldin nokkur smærri í holinu niðri hjá yngsta stigi, og kom einn bekkur í einu á ball. Þó voru ýmsir ómissandi þættir hafðir í heiðri. Giljagaur kom í heimsókn og fengu börnin mandarínur hjá honum auk þess að hljómsveit skipuð kennurum Tónlistarskólans lék fyrir dansi. Nemendur dönsuðu í kringum jólatré eins og hefð er fyrir og skemmtu sér mjög vel.