Jólaföndur

Laugardaginn 3. desember hélt foreldrafélag Egilsstaðaskóla stórskemmtilegt jólaföndur og kaffisölu í skólanum. Þar var margt um manninn og frábær jólastemming í skólanum. Tónlistarskólanum var boðið a vera með tónlistaratriði og tóku þrjár ungar söngkonur að sér tónlistarflutninginn. Margrét Lára, söngkennari, var þeim til halds og trausts og lék með þeim á píanó. Stúlkurnar stóðu sig með stakri prýði í alla staði, en þær sungu lögin Dansaðu vindur, Þú komst með jólin til mín, Jólin eru að koma og Santa Tell Me fyrir gesti og gangandi. Við þökkum foreldrafélaginu kærlega fyrir að bjóða okkur að taka þátt í þessum skemmtilega degi!