Jólaföndur í Egilsstaðaskóla

Nemendur Tónlistarskólans létu sig ekki vanta á jólaföndur hjá Egilsstaðaskóla laugardaginn 30. nóvember, enda fyrsta tækifærið til að spila öll jólalögin sem þau eru búin að vera að æfa undanfarið fyrir áheyrendur. Á dagskrá voru sígild jólalög sem gestir og gangandi þekktu vel og var leikið á píanó, blokkflautu og klarínettu. Nú fer í hönd mikill annatími fyrir nemendur og kennara Tónlistarskólans og má búast við að sjá okkur vítt og breitt um bæinn við ýmis tækifæri á næstunni og vonandi náum við eyrum sem flestra. Við þökkum foreldrafélagi Egilsstaðaskóla fyrir að bjóða okkur að koma og spila á jólaföndrinu!