Jólagleði Landsbankans

Nemendur Tónlistarskólans voru þeirrar gæfu aðnjótandi að fá að spila á jólagleði Landsbankans föstudaginn 14. desember. Þar var, auk tónlistaratriða, boðið upp á ljúffengar ristaðar möndlur og piparkökur. Nemendur spiluðu og sungu fyrst og fremst jólalög, en eitt og eitt annarskonar lag fékk að fljóta með. Talsvert var um söngatriði, en einnig mátti heyra leikið á gítar og fiðlu, en Kristófer Gauti Þórhallsson sá einmitt um fiðluleikinn og tók meira að segja við óskalögum frá áheyrendum! Það er afar hollt fyrir nemendur að læra að flytja tónlist við ólíkar aðstæður og þökkum við Landsbankanum kærlega fyrir þetta tækifæri.