Jólagleði Landsbankans

Það var mikið fjör og góð jólastemming í Landsbankanum föstudaginn 9. desember, en þá hélt bankinn sína fyrstu jólagleði eftir nokkurra ára hlé. Nemendur Tónlistarskólans fengu þarna að koma fram og skemmta gestum og gangandi með hljóðfæraleik og söng. Gestir á jólagleðinni fengu að hlýða á píanóleik, söng, gítarleik og ukuleleleik meðan þeir gæddu sér á ristuðum möndlum. Langmest var flutt af jólalögum ásamt einu og einu ójólalegu lagi. Það er óhætt að segja að nemendur hafi staðið sig vel. Við þökkum Landsbankanum kærlega fyrir þetta tækifæri fyrir nemendur okkar að koma fram og ekki síst fyrir möndlurnar og piparkökurnar!