Jólagleði Landsbankans

Landsbankinn hélt sína árlegu jólagleði föstudaginn 15. desember. Nemendur Tónlistarskólans mættu þangað og sungu og spiluðu heilan helling af jólatónlist. Var mjög skemmtileg stemmning í bankanum þennan dag og nemendur stóðu sig afskaplega vel. Gestir og starfsfólk bankans fengu að heyra, söng, gítarleik, píanóleik, fiðluleik og sellóleik auk þess að jólabjöllurnar voru auðvitað með í för. Nemendur fluttu bæði hefðbundin jólalög og nýrri, íslensk og erlend, en einnig mátti heyra eitt og eitt lag sem ekki var jólalag, sem er kannski ágætis tilbreyting. Við þökkum Landsbankanum fyrir móttökurnar og ristuðu möndlurnar og fyrir gott tækifæri fyrir nemendur að koma fram.