Jólagleði Landsbankans

Nemendur og kennarar skólans lögðu leið sína í Landsbankann föstudaginn 13. desember, en þá var hin árlega Jólagleði bankans haldin. Löng hefð hefur skapast fyrir því að nemendur spili á jólagleðinni og það er alltaf mikið fjör þennan dag. Á efnisskránni var allskonar jólatónlist, gömul og ný, poppuð og sígild, spiluð og sungin. Auk þess að syngja spiluðu nemendur á saxófón, píanó, trommur, fiðlu, selló og að sjálfsögðu sleðabjöllur! Nemendur stóðu sig vel að vanda og það er einmitt frábært fyrir nemendur að fá að spreyta sig við tónlistarflutning við fjölbreyttar aðstæður. Við þökkum Landsbankanum kærlega fyrir þennan skemmtilega dag!