Jólagleði Landsbankans

Jólagleði Landsbankans fór fram föstudaginn 12. desember í útibúi bankans á Egilsstöðum. Kennarar og nemendur kíktu í heimsókn í bankann og spiluðu og sungu ýmis lög í tilefni dagsins, en þetta er orðið fastur liður í desemberdagskránni hjá okkur. Á Jólagleðinni sungu nemendur ásamt því að leika á píanó og gítar. Mátti heyra bæði gömul og ný jólalög og meira að segja eitt frumsamið jólalag! Þetta var skemmtilegur dagur í bankanum og nemendur stóðu sig með mikilli prýði og nutu góðra jólaveitinga. Við þökkum Landsbankanum kærlega fyrir þetta tækifæri fyrir nemendur að koma fram og auðvitað ljúffengu möndlurnar og glöggið!