Jólaheimsókn í leikskólana

Nemendur Tónlistarskólans lögðu leið sína í leikskólana Skógarland og Tjarnarland mánudaginn 10. desember til þess að spila og syngja fyrir yngstu nemendurna á Fljótsdalshéraði. Nemendurnir fengu að heyra spilað á ýmis hljóðfæri, bæði jólalög og annað efni. Það var sérstaklega ánægjulegt að heyra leikskólabörnin taka hraustlega undir í jólalögunum sem þau kunnu og var þetta virkilega skemmtileg stund. Einnig var gaman að því þegar forskólanemendur í Tónlistarskólann spiluðu fyrir leikskólabörnin, enda ekki langt síðan þeir voru sjálfir í leikskóla. Fyrstu bekkingarnir spiluðu á Tjarnarlandi, en þeir voru flestir áheyrendur á sama viðburði í fyrra. Við þökkum leikskólanum kærlega fyrir móttökurnar!

Efnisskrá-Skógarland

Efnisskrá-Tjarnarland