Jólakveðja og jólafrí

Nú er Tónlistarskólinn á Egilsstöðum kominn í jólafrí. Kennsla hefst að nýju þann 6. janúar samkvæmt stundaskrá. Í desember hafa nemendur Tónlistarskólans spilað og sungið alls 158 lög á 17 tónleikum og spilamennskum út um allan bæ. Það má því með sanni segja að desember hafi verið annasamur og stundum jafnvel strembinn á köflum, en á sama tíma flott uppskera og góður endir á annars frábærri haustönn. 

Við óskum öllum gleðilegra jóla og farsældar á komandi ári. Við þökkum fyrir liðna önn og hlökkum til að hitta nemendur á nýju ári og til þeirra ævintýra sem okkar bíða á því!