Jólalög á Dyngju og við jólatréstendrun

Lúðrasveit Fljótsdalshéraðs spilaði jólalög laugardaginn 29. nóvember á tveimur stöðum í bænum. Fyrst lagði hún leið sína á hjúkrunarheimilið Dyngju, þar sem afar vel var tekið á móti henni. Síðan lá leiðin í Nettó, þar sem ljósin á jólatrénu voru tendruð og jólasveinar voru á kreiki. Lúðrasveitin lék bæði erlend og íslensk jólalög, ný og gömul og róleg og fjörleg. Sveitin þakkar áheyrendum kærlega fyrir frábærar móttökur. Tónlistarskólinn er stoltur samstarfs- og stuðningsaðili lúðrasveitarinnar, sem samanstendur af nemendum, kennurum og öðrum hljóðfæraleikurum af svæðinu. Lúðrasveitin tekur fagnandi á móti nýjum meðlimum, en æfingar eru kl. 20:00 á mánudögum í Egilsstaðaskóla.