Jólalög í Frístund

Nemendur Tónlistarskólans fengu kærkomið tækifæri til að koma fram þegar þeir heimsóttu krakkana í Frístund þriðjudaginn 15. desember og spiluðu jólalög. Nemendurnir í Frístund voru mjög áhugasamir um hljóðfærin og hlustuðu vel á flutninginn. Tónlistarnemarnir léku á píanó, gítar, saxófón, klarínettu, ukulele, harmoniku, bassa og þverflautu og stóðu þeir sig með stakri prýði. Meðal laga á efnisskrá voru sígild gömul lög á borð við Klukknahljóm og Við óskum þér góðra jóla auk nýrra efnis, eins og hins sívinsæla lags Snjókorn falla og Yfir fannhvíta jörð. Við þökkum Frístund kærlega fyrir að bjóða okkur velkomin til sín í þessa ánægjulegu stund!