Jólalög í Frístund

Nemendur Tónlistarskólans heimsóttu Frístund Egilsstaðaskóla föstudaginn 10. desember til að spila og syngja jólalög fyrir þau. Nemendur fengu að heyra tvo ólíka sönghópa syngja auk þess að hlýða á klarínettuleik og þverflautu. Á þessum stuttu tónleikum mátti heyra tiltölulega nýleg jólalög eins og Snjókorn falla og Rokkað í kringum jólatréð, ásamt eldri perlum á borð við Heims um ból og Við óskum þér góðra jóla. Óhætt er að segja að nemendur Tónlistarskólans stóðu sig afskaplega vel og það var mjög gaman að flytja tónlist fyrir þessa ungu og skemmtilegu áheyrendur. Við þökkum Frístund kærlega fyrir að bjóða okkur í heimsókn!