Jólalög í Frístund

Einn af fjölmörgum viðburðum desembermánaðar hjá Tónlistarskólanum var að halda tónleika fyrir nemendur í Frístund Egilsstaðaskóla. Venjulega hafa nemendur og kennarar heimsótt Frístund niður á yngsta stigs svæðið, en þetta árið snerum við dæminu við og fengum nemendurna í heimsókn til okkar í tónmenntastofuna. Á tónleikunum komu fram nemendur í forskóla og söngnemendur og fluttu þeir ýmis jólalög, bæði hefðbundin eldri lög svo og nýrri og poppaðri lög. Það mátti meira að segja heyra lag sem var samið af fyrrum nemendum skólans. Það var virkilega gaman að fá nemendurna úr Frístund í heimsókn og við þökkum þeim kærlega fyrir komuna!