Jólalög í Frístund

Fimmtudaginn 19. desember voru síðustu nemendatónleikar haustannarinnar, en þá fóru nemendur yfir í Frístund og sungu fyrir hressu krakkana þar. Það var nú ekki langt að fara, bara yfir í næstu stofu! Dagskráin var að sjálfsögðu jólaleg og skemmtileg. Nemendur sungu og spiluðu á saxófón og blokkflautu, auk þess að sönghópur 3. bekkjar leiddi fjöldasöng í lokin í hinu klassíska jólalagi „Adam átti syni sjö“ og voru nemendurnir í Frístund duglegir að taka undir og gera hreyfingarnar með. Nemendur Tónlistarskólans stóðu sig líka afskaplega vel. Við þökkum nemendum og starfsmönnunum í Frístund kærlega fyrir móttökurnar og óskum þeim gleðilegra jóla.