Jólalög í Frístund

Það var líf og fjör í Frístund Egilsstaðaskóla þriðjudaginn 5. desember, en þá mættu nemendur Tónlistarskólans galvaskir og fluttu skemmtileg lög fyrir nemendur. Flest voru þetta jólalög, en tvö „ójólaleg“ lög slæddust þó með. Nemendurnir fengu að heyra söng auk gítar- og saxófónleiks. Nemendur Tónlistarskólans stóðu sig afskaplega vel og mega vera stoltir af sinni flottu frammistöðu á þessum tónleikum. Í lokin var fjöldasöngur og tónleikagestir voru mjög duglegir að taka undir í laginu Snjókorn falla! Það var afskaplega gaman fyrir okkur að flytja skemmtilega tónlist fyrir krakkana í Frístund og við þökkum bæði nemendum og starfsfólki kærlega fyrir móttökurnar.