Jólalög í Frístund

Nemendur og kennarar Tónlistarskólans heimsóttu krakkana í Frístund Egilsstaðaskóla miðvikudaginn 17. desember og spiluðu fyrir þau jólalög, og svo eitt og eitt lag sem ekki er jólalegt. Nemendur spiluðu á gítar, þverflautu, básúnu, píanó, klarinett, slagverk og selló og stóðu sig allir alveg frábærlega! Í einu tilfelli höfðu nemendur átt frumkvæði að því að æfa atriði alveg sjálfstætt, og á önnur hljóðfæri en þau æfa á, sem var magnað! Heyra mátti bæði gömul og ný jólalög og margir nemendur voru jólalega klæddir á sviði. Þetta var mjög skemmtileg stund og við þökkum nemendunum í Frístund og starfsfólki kærlega fyrir móttökurnar.