Jólaskemmtun Egilsstaðaskóla

Horft niður á skemmtunina

Það var Tónlistarskólanum sönn ánægja að taka þátt í jólaskemmtun Egilsstaðaskóla þann 20. desember síðastliðinn. Sönghópar 4. bekkjar og 5. bekkjar fluttu lögin Jólasveinar, einn og átta og Það á að gefa börnum brauð. Tryggvi Hermannsson spilaði svo undir dansi ásamt Jóhönnu Hlynsdóttur, nemenda sínum, og Margrét Lára Þórarinsdóttir söngkennari leiddi sönginn. Mikið fjör var á skemmtuninni og nemendur Egilsstaðaskóla tóku hraustlega undir í jólalögunum á meðan þeir dönsuðu í kringum jólatréð. Það var afskaplega gaman að enda haustönnina á svona fjörugum og skemmtilegum nótum!