Jólaskemmtun Egilsstaðaskóla

Að morgni dags föstudaginn 17. desember fór fram jólaskemmtun í Egilsstaðaskóla, en það var jafnframt síðasta spilamennskan hjá tónlistarskólanum árið 2021. Hljómsveit skipuð kennurum skólans lék undir dansi hvorki meira né minna en fjórum dansleikjum, en 1. -4. bekkur fengu hver sitt jólaball. Að vanda mættu nemendur prúðbúnir og í góðu stuði til að dansa í kringum jólatréð og syngja gömul og ný jólalög saman. Var þetta mjög skemmtilegur morgunn hjá okkur kennurunum og við þökkum Egilsstaðaskóla kærlega fyrir að leyfa okkur að koma og spila þessi frábæru jólalög fyrir nemendurna. Við förum í jólafrí í góðu jólaskapi eftir þetta!