Jólaskemmtun Egilsstaðaskóla

Það var hátíðarstemming í Egilsstaðaskóla að morgni dags 20. desember, rétt áður en nemendur fóru í jólafrí. Þá fluttu nemendur í 6. bekk jólasöguna og tóku ýmsir nemendur Tónlistarskólans virkan þátt í tónlistarflutningnum þar. Síðan var haldið ball í hátíðarsalnum þar sem nemendur dönsuðu í kringum jólatréð með kennurum sínum. Það var hljómsveit skipuð kennurum Tónlistarskólans sem lék undir dansi og Hlín Pétursdóttir Behrens, söngkennari, sem leiddi sönginn í bæði gömlum og nýjum jólaballsslögurum. Jólasveinar létu að sjálfsögðu sjá sig og það var mikið fjör. Við þökkum Egilsstaðaskóla kærlega fyrir að leyfa okkur að vera með í þessari skemmtilegu stund!