Jólaskemmtun Egilsstaðaskóla

Egilsstaðaskóli hélt sína árlegu jólaskemmtun fyrir nemendur í 1.-6. bekk föstudaginn 19. desember. Sjötti bekkur sýndi af þessu tilefni jólasýningu, þar sem nemendur og kennarar Tónlistarskólans spiluðu undir söngnum. Síðan var haldið jólaball þar sem nemendur dönsuðu í kringum jólatréð og hin stórkostlega ballhljómsveit Kennarabandið spilaði undir meðan Hlín Pétursdóttir Behrens söngkennari leiddi sönginn. Kennarabandið samanstóð að þessu sinni af átta tónlistarkennurum sem spiluðu á fjölbreytt úrval hljóðfæra. Það er óhætt að segja að stemningin hafi verið frábær og erfitt að segja hverjir skemmtu sér betur, kennararnir eða krakkarnir. Allavega voru ansi margir komnir í frábært jólaskap eftir þetta ball!