Jólatónleikar á Dyngju

Nemendur Tónlistarskólans lögðu leið sína á hjúkrunarheimilið Dyngju þann 19. desember og fluttu ýmsa tónlist, aðallega jólalög, fyrir íbúa og gesti. Íbúar tóku sérstaklega vel á móti nemendunum og myndaðist skemmtileg jólastemning. Ekki spillti fyrir að tónleikarnir hófust á það að leikið var lagið Klukknahljóð á handbjöllur, það gerist varla jólalegra en það! Nemendur fluttu svo hefðbundin jólalög og nýrri, íslensk og erlend á píanó, gítar, fiðlu og selló auk söngs. Nemendur stóðu sig að vanda með stakri prýði. Við þökkum íbúum og starfsfólki Dyngju innilega fyrir hlýjar móttökur og hlökkum til að koma aftur í heimsókn á nýja árinu!