Jólatónleikar á Dyngju

Tónlistarskólinn hélt jólatónleika á hjúkrunarheimilinu Dyngju þriðjudaginn 16. desember. Nemendur spiluðu og sungu hin ýmsu jólalög fyrir íbúa, og svo reyndar eitt og eitt lag sem ekki var jólalag. Hljómsveitin Jólastelpur kom fram, en það er lúðrasveit samansett af nemendum úr 3.-4. bekk sem spila á blásturshljóðfæri. Þær hafa verið mjög duglegar að koma fram í desember. Einnig mátti heyra leikið á píanó, básúnu, fiðlu og blokkflautu. Á tónleikunum heyrðust gömul og ný jólalög og meira að segja eitt stórglæsilegt, frumsamið jólalag. Nemendur stóðu sig með glæsibrag. Við þökkum íbúum og starfsfólki kærlega fyrir móttökurnar og bjóðum þeim gleðileg jól!