Jólatónleikar á leikskólunum

Nemendur Tónlistarskólans fóru í báða leikskólana á Egilsstöðum þann 20. desember og spiluðu og sungu jólalög fyrir yngstu nemendur svæðisins. Börnin fengu að heyra jólalög spiluð á píanó, trommur, gítar, þverflautu og víólu auk þess að sönghópar komu fram. Sérstaklega var skemmtilegt þegar nemendur í forskóla 1 spiluðu fyrir krakkana á Tjarnarlandi, en um jólin í fyrra voru þeir nemendur einmitt ennþá í leikskóla þar. Einnig var ánægjulegt hvað leikskólanemendur voru duglegir að taka undir í jólalögunum og hvað þeir voru áhugasamir um hljóðfærin. Við hlökkum svo til að fá elstu leikskólanemendurna í heimsókn til okkar í Tónlistarskólann í mars.

Efnisskrá tónleikanna á Skógarlandi

Efnisskrá tónleikanna á Tjarnarlandi