Jólatónleikar á Tjarnarskógi

Nemendur Tónlistarskólans fóru í heimsókn á leikskólana Skógarland og Tjarnarland mánudaginn 9. desember til þess að spila fyrir leikskólabörn. Voru aðallega jólalög á dagskrá á báðum tónleikunum. Sérstaklega var ánægjulegt að nemendur í forskóla 1 fengu þarna í fyrsta skipti að koma fram fyrir hönd Tónlistarskólans og spiluðu þeir á blokkflautu fyrir krakkana á Tjarnarlandi. Það er ekki síst gaman vegna þess að það er ekki svo langt síðan þessir krakkar voru sjálfir á Tjarnarlandi! Leikskólanemendur fengu einnig að heyra skemmtilegan söng, píanóleik, klarínettuleik, saxófónleik, gítarleik og einleik á blokkflautu auk þess að nemendur í forskóla 2 léku á ukulele.