Jólatónleikar í Dyngju

Nemendur Tónlistarskólans héldu jólatónleika í hjúkrunarheimilinu Dyngju þriðjudaginn 11. desember og spiluðu og sungu fyrir íbúa. Meirihluti efnisskrárinnar samanstóð af jólalögum, þó að nokkur önnur lög hafi vissulega slæðst með, en það er um að gera að halda í fjölbreytnina. Íbúar tóku að vanda vel á móti nemendum og nemendur stóðu sig vel og voru skólanum til sóma. Í lokalaginu, Heims um ból, tóku íbúar undir og sungu með. Var þetta notaleg stund og þökkum við íbúum og starfsmönnum Dyngju kærlega fyrir mótttökurnar. Við mætum svo galvösk í Dyngju á nýju ári og höldum áfram að spila mánaðarlega í Dyngju.