Jólatónleikar í Dyngju

Síðustu tónleikar Tónlistarskólans á árinu 2019 í hjúkrunarheimilinu Dyngju fóru fram þriðjudaginn 17. desember á Hamri, hátíðarsal Dyngju. Á efnisskrá voru fyrst og fremst jólalög og fengu íbúar og gestir að hlýða á söng auk þess að leikið var á píanó, gítar, þverflautu og básúnu og tveir af nemendunum þreyttu þarna frumraun sína á sviði á vegum skólans. Hápunktur tónleikanna var svo í lokin þegar Margrét Lára söngkennari stýrði fjöldasöng við undirleik Tryggva píanókennara og myndaðist mjög skemmtileg jólastemmning við það. Við þökkum íbúum og starfsfólki Dyngju frábærar móttökur og hlökkum til að koma aftur til þeirra á nýju ári!