Jólatónleikar í Dyngju

Tónlistarskólinn hélt jólatónleika í hjúkrunarheimilinu Dyngju þriðjudaginn 13. desember. Á þessum tónleikum fluttu nemendur aðallega jólalög, þó að eitt og eitt „ójólalegt“ lag hafi slæðst með. Nemendur sungu og léku á píanó, saxófón og gítar að þessu sinni. Heyra mátti sígild jólalög í bland við þau nýrri. Birna Jóna Sverrisdóttir flutti meira að segja flott jólalag eftir afa sinn og langafa, sem var auðvitað mjög gaman að heyra. Nemendur stóðu sig allir með prýði. Við óskum íbúum og starfsfólki Dyngju gleðilegra jóla, þökkum kærlega fyrir góðar móttökur á árinu 2022 og hlökkum til að sjá þau aftur á nýju ári.