Jólatónleikar í Hjúkrunarheimilinu Dyngu

Nemendur Tónlistarskólans lögðu leið sína sem oftar í Hjúkrunarheimilið Dyngju 5. desember síðastliðinn. Í þetta sinn var um að ræða sanna hátíðartónleika, þar sem leikin var jólatónlist og annað hátíðlegt og fallegt. Tónleikarnir fóru fram í hátíðarsal Dyngju og var margt um manninn, en gestir virtust njóta þeirrar fjölbreyttu efnisskrár sem í boði var. Tónleikagestir fengu að heyra í söngvurum, píanói, klukkuspili, blásturshljóðfærum og strengjahljóðfærum. Óhætt er að fullyrða að þarna hafi verið um dýrmæta reynslu fyrir nemendur okkar að ræða og að þarna hafi skólinn fengið gott tækifæri til þess að sýna hvað nemendur okkar eru að fást við.