Jólatónleikar í leikskólum

Tónlistarskólinn hélt tvenna tónleika mánudaginn 11. desember, á leikskólunum Skógarlandi og Tjarnarlandi. Það var einstaklega skemmtilegt að sjá nemendur skólans syngja og spila fyrir þessi ungu börn, en á dagskrá voru aðallega jólalög. Á fyrri tónleikunum, sem voru á Skógarlandi, fengu nemendur að heyra leikið á píanó, fiðlu, selló og trompet. Á síðari tónleikunum, sem voru á Tjarnarlandi, fengu nemendurnir að heyra söng auk saxófón- og þríhornsleiks. Nemendurnir á Tjarnarlandi voru sérstaklega duglegir að taka þátt í fjöldasöng í lok tónleikanna og var gaman að sjá hvað þeim fannst skemmtilegt að syngja. Við þökkum starfsfólki og nemendum kærlega fyrir móttökurnar!