Jólatónleikar með óvenjulegu sniði

Jólatónleikar eru ómissandi hluti af tónlistarskólastarfinu og verða þeir í næstu viku. Þeir verða þó með nokkuð breyttu sniði vegna samkomutakmarkana og takmarkana á skólastarfi sem gilda núna vegna COVID-19 faraldursins. Í stað þess að halda stóra tónleika miðvikudaginn 9. desember, eins og áætlað var, verða margir smærri tónleikar. Tónleikarnir verða í Egilsstaðakirkju öll kvöld í næstu viku en þeir verða áheyrendalausir að þessu sinni. Í staðinn stendur til að taka tónleikana upp svo að nemendur geti átt sín atriði auk þess að hugsanlegt er að nokkur atriði verði birt á YouTube stöð skólans og verði þar inni um tíma.