Jólatónleikar og fleira

Eins og flestir vita varð mikil röskun á starfi Tónlistarskólans á Egilsstöðum í haust vegna verkfalls. Svo mikil að við veltum fyrir okkur að fella niður jólatónleikana, en við vorum búin að skipuleggja þrenna tónleika.En að lokum ákváðum við að halda eina jólatónleika í Egilsstaðakirkju föstudaginn 19. des. kl. 18.Það gefur auga leið að ekki er mögulegt að allir nemendur fái að koma fram á tónleikunum og verður því að velja atriði á þá. Við vonum að þeir sem ekki spila á tónleikunum skilji það að einhverjir verða út undan en hvetjum alla nemendur og foreldra til að fjölmenna á tónleikana.

En við ætlum einnig að heimsækja sjúkrahúsið á þriðjudaginn kl. 3, spila fyrir nemendur leikskólanna á Egilsstöðum á miðvikudagsmorgninum og þá ætla kennara að storma niður í bæ í vikunni með nemendur til að spila á ýmsum stöðum. Við ætlum að reyna að fá sem flesta nemendur til að koma fram einhvers staðar í vikunni.