Jólatónleikar TME

Tónlistarfélag Menntaskólans á Egilsstöðum, TME, hélt frábæra jólatónleika mánudagskvöldið 9. desember. Nemendur fluttu nokkur vel valin jólalög og var þeim afar vel tekið af áheyrendum. Núverandi og fyrrverandi nemendur Tónlistarskólans á Egilsstöðum voru meðal þeirra sem komu fram og var þá um að ræða söngvara og hljómsveitarmeðlimi og meira að segja líka meðlimi í hinum stórskemmtilega kennarakór! Það er einstaklega gaman að sjá nemendur, bæði núverandi og fyrrverandi nemendur Tónlistarskólans og aðra menntaskólanema, öðlast meira sjálfstæði sem flytjendur og vera jafnvel farnir sjálfir að skipuleggja stóra tónlistarviðburði. Við óskum TME innilega til hamingju með glæsilega tónleika og þökkum fyrir okkur!