Jólatónleikar Tónlistarskólans

Tónlistarskólinn á Egilsstöðum hélt sína árlegu jólatónleika þann 5. desember í Egilsstaðakirkju. Fyrri tónleikarnir voru kl. 18:00 og á þeim var aðaláherslan á jólatónlist. Það var sérstaklega gaman að sjá hversu margir byrjendur í skólanum eru farnir að spila ótrúlega vel og í lokaatriðinu, Akiwowo, var mikið fjör! Seinni tónleikarnir voru kl. 20:00 og á þeim var minna um jólalög og meira um klassíska tónlist, þó að einnig hafi komið fyrir rokklög. Það er alveg gríðarlega gaman að sjá hversu margir nemendur skólans eru að standa sig frábærlega og ná miklum árangri og erum við afar stolt af nemendum okkar.