Jólatónleikar Tónlistarskólans á Egilsstöðum

Það var stuð á leikskólanum

Föstudaginn 19. desember hélt Tónlistarskólinn jólatónleika sína og voru þeir haldnir í Egilsstaðakirkju sem endranær.

Fyrirhugað var að halda þrenna tónleika, tvenna á Egilsstöðum og eina á Hallormsstað, en vegna verkfalls var ákveðið að halda einungis eina tónleika og á tímabili var útlit fyrir að engir tónleikar yrðu haldnir.

Tónleikarnir voru í lengri kantinum enda margir nemendur orðnir langþyrstir eftir að spila á tónleikum en þó þeir hafi staðið yfir í eina og hálfa klukkustund var ekki þreytumerki að sjá á nokkrum manni, síst af öllu þeim yngstu og stóðu nemendur sig með stakri prýði.

Eins og gefur að skilja var ekki mögulegt að koma öllum nemendum skólans fyrir á einum tónleikum og þess í stað reyndum við að gefa þeim sem ekki spiluðu á jólatónleikunum, kost á að koma fram annars staðar. Til að mynda fórum við í heimsókn á sjúkrahúsið á þriðjudeginum 16. desember, leikskólann 17. desember og spiluðum í Nettó 18. desember. Þá fór einnig blásarasveitin og spilaði tvö lög fyrir framan Nettó um kvöldið í talsverðu frosti en stilltu og góðu veðri og þótti hafa sýnt mikið hugrekki með því að leggja varir að köldum hlóðfærum við þær aðstæður. Reyndar var farið inn í verslunina eftir tvö lög og prógrammið klárað þar.

Skólastjóri og kennarar óska nemendum og foreldrum gleðilegra jóla með þökk fyrir önnina sem er að líða þó hún hafi verið styttri en við óskuðum okkur. Sjáumst bara tvíefld eftir áramótin.