Jólatónleikar Tónlistarskólans á leikskólum bæjarins

Nemendur Tónlistarskólans heimsóttu leikskólana Skógarland og Tjarnarland þann 15. desember síðastliðinn. Um morguninn spiluðu nemendur og sungu jólalög fyrir börnin á Skógarlandi, og skemmtu þau sér mjög vel og var mikið hlegið og klappað. Þau fengu að njóta þess að heyra í trompet, þverflautu og söng. Stóru krakkarnir á Tjarnarlandi fengu síðan að heyra píanó og þverflautuleik. Á báðum stöðum enduðu tónleikarnir á fjöldasöng og tóku leikskólanemar vel undir í laginu „Í skóginum stóð kofi einn,“ enda greinilega þaulvanir að syngja saman.