Jólin kvödd

Jólin voru kvödd í gær, 6. janúar, á þrettándagleði Hattar. Lúðrasveit Fljótsdalshéraðs lék nokkur lög í upphafi dagskrár. Það er gaman að segja frá því að sveitin lék einnig til þess að opna jólahátíðartímabilið við tendrun jólaljósanna við Nettó þann 1. desember, á fyrsta sunnudegi í aðventu. Þann dag lék lúðrasveitin einnig jólalög á hjúkrunarheimilinu Dyngju. Lúðrasveitin samanstendur af nemendum og kennurum Tónlistarskólanna á Fljótsdalshéraði ásamt ýmsum íbúum svæðisins sem spila á blásturshljóðfæri og erum við alltaf að leita að nýjum meðlimum! Við þökkum Hetti kærlega fyrir þrettándagleðina og tækifærið til að koma fram, og einnig Nettó og hjúkrunarheimilinu Dyngju.