Kamilla á tónleikum Sinfóníuhljómsveitar áhugamanna

Laugardaginn 23. nóvember hélt Sinfóníuhljómsveit áhugamanna tónleika undir yfirskriftinni „Nótan og nemendurnir“. Voru þessir tónleikar haldnir í samstarfi við Nótuna, uppskeruhátíð tónlistarskólanna. Á tónleikunum komu fram fimm ungir einleikarar, sem orðið höfðu hlutskarpastir í konsertkeppni Nótunnar í fyrra. Meðal einleikara á tónleikunum var Kamilla Kerekes, sem var einmitt nemandi í Tónlistarskólanum á Egilsstöðum í fyrra, en hefur nú haldið til Ungverjalands til að halda áfram tónlistarnámi sínu. Kamilla lék Morceau de concert eftir Camille Saint-Saëns á tónleikunum. Við óskum Kamillu innilega til hamingju með þennan glæsilega árangur og þökkum Sinfóníuhljómsveit áhugamanna fyrir að búa til þetta frábæra tækifæri fyrir nemendur!