Kamilla einleikari með Sinfóníuhljómsveit áhugamanna í haust

Konsert-tónleikar Nótunnar fóru fram í sal Allegro Suzukitónlistarskólans í Reykjavík laugardaginn 13. apríl, en á þeim tónleikum eru valdir nemendur sem fá að koma fram sem einleikarar með Sinfóníuhljómsveit áhugamanna á tónleikum í haust. Tónlistarskólinn á Egilsstöðum átti einn nemanda á þessum tónleikum, Kamillu Kerekes, en hún lék fyrsta kaflann úr Morceau de concert op. 94. eftir Camille Saint-Saëns á franskt horn. Við erum afar stolt að segja frá því að Kamilla er ein þeirra sem var valin til þess að koma fram með SÁ. Við óskum Kamillu innilega til hamingju með frábæra frammistöðu og þetta flotta tækifæri. Brava Kamilla!