Kardemommubærinn

Yngri nemendur Egilsstaðaskóla settu upp Kardemommubæinn á tveimur árshátíðum núna í vor. 3.-4. bekkur var með sína árshátíð 5. mars og 1.-2. bekkur 19. mars. Voru þetta glæsilegar sýningar hjá báðum hópum. Tónlistarskólinn tók að vanda þátt í uppsetningunni með stuðningi við tónlistarflutning í sýningunni, sem er alveg stútfull af skemmtilegum lögum. Berglind Halldórsdóttir, Margrét Lára Þórarinsdóttir og Bríet Finnsdóttir sáu um verkefnið fyrir hönd Tónlistarskólans og aðstoðuðu nemendur við sönginn og sáu um að allt undirspil væri til staðar. Við þökkum Egilsstaðaskóla kærlega fyrir samstarfið um sýninguna og óskum nemendum í 1.-4. bekk innilega til hamingju  með glæsilegar sýningar.