Katherine Wren masterclass

Víóluleikarinn Katherine Wren hélt masterclass fyrir nemendur á strengjahljóðfæri í Tónlistarskólanum á Egilsstöðum fimmtudaginn 23. janúar. Katherine er frá Skotlandi og leikur meðal annars með Royal Scottish National Orchestra. Var hún hér á svæðinu til þess að halda tónleika með Charles Ross í Sláturhúsinu, en þeir tónleikar voru bæði óvenjulegir og glæsilegir. Masterclass er hóptími þar sem kennari kennir gjarnan einum nemanda í einu og aðrir nemendur fá að fylgjast með og læra þá líka af því, sem getur verið afar gagnlegt fyrir alla. Tíminn heppnaðist mjög vel og var mikil ánægja með hann. Við þökkum Katherine kærlega fyrir komuna!