Klaufar og kóngsdætur

Leikhúshljómsveitin fyrir sýningu

Það var Tónlistarkólanum sönn ánægja að leggja sitt af mörkum til árshátíðar miðstigs Egilsstaðaskóla þann 1. febrúar síðastliðinn. Nemendur skólans skipuðu leikhúshljómsveitina með dyggri aðstoð kennara sinna og tónlistarstjóri sýningarinnar var Berglind Halldórsdóttir, kennari í Tónlistarskólanum. Einnig aðstoðaði Margrét Lára Þórarinsdóttir sérstaklega við sönginn í sýningunni. Tveir nemendur, þau Anja Sæberg og Eyþór Magnússon, fengu að spreyta sig á einsöng í sýningunni, en þau stunda bæði söng- og píanónám í Tónlistarskólanum. Árshátíðir Egilsstaðaskóla eru viðamesti samstarfsflötur þessara tveggja stofnanna og afar mikilvægur vettvangur fyrir nemendur okkar að nýta þá kunnáttu sem þeir hafa öðlast í Tónlistarkólanum í stærri menningartengdum verkefnum.