Kornið

Helgina 29.-30. maí bauð Austuróp, sviðslistahópur sem helgar sig flutningi óperutónlistar og söngtónleika á Austurlandi, upp á tvær sýningar á óperunni Korninu eftir Birgit Djupedal og Ingunni Láru Kristjánsdóttur. Sýningarnar voru í Egilsstaðakirkju og Eskifjarðarkirkju og vöktu mikla lukku, enda var verkið skemmtilegt og vel flutt auk þess að vekja til umhugsunar. Hlín Pétursdóttir Behrens, söngkennari við Tónlistarskólann, er aðal drifkrafturinn á bak við Austuróp og söng í sýningunni ásamt þremur langt komnum söngnemendum. Kennarar úr Tónlistarskólanum léku með í hljómsveitinni. Þetta var frábær sýning í alla staði og við óskum Hlín og Austuróp innilega til hamingju með frábært verkefni!