Kristófer Gauti sigraði á valtónleikum fyrir Nótuna

Föstudaginn 11. apríl voru svæðistónleikar fyrir Nótuna 2016 fyrir norður- og austurland haldnir í Hofi á Akureyri.

Tónlistarskólinn á Egilsstöðum sendi fjögur atriði á tónleikana og niðurstaðan varð sú að eitt þeirra var valið til að taka þátt í lokatónleikum Nótunnar sem haldnir verða í Hörpu þann 10. apríl næstkomandi.

Það verður Kristófer Gauti Þórhallsson sem fer til Reykjavíkur að spila og hann spilaði verkið Thais Meditation eftir Jules Massenet.

Aðrir keppendur stóðu sig með miklum sóma og þó fleiri hafi ekki komist áfram var dagurinn skemmtilegur og upplifunin að spila á svona stóru sviði eitthvað sem menn búa lengi að.