Landsmót SÍL

Lúðrasveit Fljótsdalshéraðs hélt landsmót Sambands íslenskra lúðrasveita dagana 11.-12. október í samstarfi við Lúðrasveit Reykjavíkur, en tónlistarskólinn er stoltur styrktar- og stuðningsaðili lúðrasveitarinnar og lengra komnum og eldri nemendur skólans taka virkan þátt í henni. Á landsmótið komu meðlimir sex mismunandi lúðrasveita víðsvegar af landinu. Æfingar og tónleikar fóru fram í Sláturhúsinu og gekk allt vonum framar. Á tónleikunum lék sameinuð lúðrasveit landsmótsins ýmis rokklög undir stjórn Jarls Sigurgeirssonar frá Lúðrasveit Vestmannaeyja, Tuma Torfasonar frá Lúðrasveit Reykjavíkur og Sóleyjar Þrastardóttur frá Lúðrasveit Fljótsdalshéraðs. Var mikil ánægja með framtakið bæði hjá hljóðfæraleikurum og áheyrendum og gaman að fá þessa frábæru gesti!