Landsmót SÍSL

Nemendur á vortónleikum í landsmótsbolunum sínum

Landsmót Sambands íslenskra lúðrasveita fór fram í Kópavogi dagana 1.-3. maí. Sjö nemendur Tónlistarskólans sóttu mótið ásamt Berglindi Halldórsdóttur, sem stjórnar skólahljómsveit skólans, og foreldrum. Um A-sveitamót var að ræða, svo það var hugsað fyrir yngri nemendur. Það var nóg að gera hjá nemendunum alla helgina og mjög mikið spilað. Krakkarnir skemmtu sér mjög vel og lærðu mikið af þessari reynslu. Eitt af því frábæra við að spila á blásturs- eða slagverkshljóðfæri er einmitt það að það er hægt að komast í hljómsveit og sækja landsmót. Við þökkum SÍSL kærlega fyrir að blása til mótsins og hlökkum til þess næsta!