Leikskólaheimsókn

Það var líf og fjör í Tónlistarskólanum þegar við tókum á móti þremur áhugasömum og skemmtilegum hópum af leikskólakrökkum frá Tjarnarlandi föstudaginn 18. febrúar. Nemendurnir ungu fengu að kíkja inn í allar stofur og fengu að heyra bæði nemendur og kennara leika listir sínar á hin ýmsustu hljóðfæri. Nemendurnir fengu líka góðar kynningar á sýnishorni af hljóðfærum sem kennt er á við skólann og fengu sjálf að prófa. Þau fengu m.a. forsmekk af því hvernig er að vera í forskólanum í 1. bekk með því að leika á blokkflautur. Mörgum þótti sérstaklega skemmtilegt að prófa að blása í básúnu! Ljóst er að þarna voru margir framtíðartónlistarnemar á ferð!